SabkaNews Ahmedabad Dr Kalpesh Vora
AMC નું સ્વચ્છતા મિશન : ડસ્ટબીનના ડખા
છેલ્લા બે દિવસથી amc ના કર્મચારીઓ સ્વચ્છતા મિશનના પાઠ ભણાવવા લાગ્યા છે.વળી હવે આગણવાડીની આશાવર્કર,બસના કન્ડકટર,મ્યુનિસિપલ વિભાગના પબ્લિકડીલિંગ વિભાગના તમામ કર્મચારીઓ સ્વચ્છતા મિશન સમજાવી રહ્યા છે.આજે બસમાં બેઠો તો કન્ડકટર મારી પાસે બેઠેલા કાકાને પત્રિકા આપી સમજાવવા લાગ્યો.” કાકા કચરો આ રીતે અલગ કરવો,સૂકો કચરો અલગ ડસ્ટબીનમાં નાખવો ને ભીનો કચરો અલગ ડસ્ટબીનમાં નાખવો” કાકા પાક્કા અમદાવાદી સ્ટાઇલમાં બોલ્યા “પણ ભઈ પેલા ડસ્ટબીન તો આલો,પછી કચરો અલગ નાખું ને”
કાકાની વાત સાંભળી આખી બસમાં મુસાફરી કરતા મુસાફરોએ કાકાના સુરમાં સુર પુરાવી જણાવ્યું જે ” ભાઈ અમારા વિસ્તારમાં કોર્પોરેટર, ધારાસભ્ય ડસ્ટબીન આપતા જ નથી,આપે છે તો તેમના કાર્યકરો ને,અને કા આપે તો તેમના એવા વિસ્તારમાં જ્યાંથી તેમને વોટ મળ્યા હોય ત્યાં”
સ્વચ્છતા મિશનની વાત લઈ આવેલ કન્ડકટર મુસાફરોની કાગારોળમાં ફસાયા,તેણે નમ્રતાથી જણાવ્યું કે હું કર્મચારી છું. આદેશનું પાલન કરું છું.બાપડા કન્ડકટર ને બચાવતા હું બોલ્યો ” કોર્પોરેશને ટેક્ષબીલ પ્રમાણે તમામ ધર દીઠ ડસ્ટબીન આપી દેવી જોઈએ..” બસના મુસાફરો બોલ્યા હા હા હા..
